موقف ازعجني..
أبريل 21, 2008
نهر الوفاء
اليوم كنت جالسة في الجامعة مع إحدى صديقاتي…وكنا جالسين في الجهه المقابلة للمصاعد..وطبعا كل شوي بنات نازلين طالعين بالمصعد..
بس في مجموعة من البنات دخلوا المصعد …و وحده منهم جالسة تخفف دمها وتضغط على الازرا ر الا يفتح الباب ..وكل ما جاء يقفل المصعد تضغط الا يفتح وصديقاتها يقولوا لها خلاص وهي لا حياة لمن تنادي ..ضاغطه على الازرار ومبسوطة وجالسة تضحك…
انا صراحة انقهرت من هذا الشي الا هي بتسويه …يعني هيا كذا جالسة تلعب بالمصعد وكأنها في الابتدائي …وياريت بتلعب في شي ملكها الا انها بتتلف شيء من ممتلكات الجامعة – اللي بيوفروها لراحتنا- بس اعتقد لو كان هذا المصعد جابته بفلوسها او تعبت عليه كان خافت انه يتخرب ..
لكن ليش ما حافظت على اشياء غيرها وكأنها اشيائها؟
بس انا احس ان هذه امانة في ايدينا ولازم نحافظ عليها ….زي ما بنحافظ على اشيائنا..
هذا رائي انتم ايش رأيكم في الشي الا سوته البنت..
Entry Filed under: Uncategorized
7 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Trackback this post | Subscribe to comments via RSS Feed
1.
odah | أبريل 26, 2008 at 4:32 م
مررررة ينرفزوا بعض بنات الجامعة تصرفاتهم ابدا ماتدل على نضجهم ما اعرف متى يكبروا ويعقلوا
الله المستعان
2.
نهر الوفاء | أبريل 27, 2008 at 7:55 م
أهلين..أوده
مشي حالك ..واصلا يسون حركات ما تدل على انهم متعلمات ..
نورتي المدونه
3.
((*خـــــوخه*)) | أبريل 28, 2008 at 8:35 م
لو الواحد اتعامل
مع اشياء الاخرين نفس
معاملته لاشيائه
كان محد خرب اشياء الاخرين
لكن هدى الله الجميع
4.
نهر الوفاء | مايو 1, 2008 at 5:18 م
صح ياخوخه..
بس للاسف هذا الواقع وكل واحد بيقول نفسي نفسي..
5.
أماني | مايو 6, 2008 at 6:01 ص
اعتقد بأنها طفله هع
يعني تقولي الحمد لله والشكر
لو إنه بفلوسها ابوها ماتعمل كذا وقصم جركات ترفع الضغط
6.
نهر الوفاء | مايو 6, 2008 at 2:50 م
اماني لا مو اعتقاد
الا هيا طفلة من جد..لانها حركات اطفال هذه..
اهلا وسهلا فيكي بالمدونة
7.
MISS ToOoOoTA | يونيو 20, 2009 at 1:40 م
با الله انا في الابتدائي سادس ابتدائي ما اسوي دا الشي واختي ثانيا ابتدائي ما تسوي الله يهديهه
اصلا من جد كائنه طفله بيبي مو ابتدائي