Archive for مارس 16th, 2008
نرجو التزام الهدوء
طبعا امنية مررت لي واجب الاصوات المزعجة واتأخرت شوي في الحل بس مو مشكلة المهم اني حليته وهذه قائمة الاصوات المزعجة بالنسبة لي..
1-في المقدمة طبعاً اكرررررررره اسمع صوت الاكل وهوا في الفم يعني في ناس لما ياكلوا يطلعوا صوت مرة منرفز ما اقدر استحمله احس انه دمي يغلي في عروقي مليون درجه مااقدر استحمل واصير ماني طايقه اكلم احد…وطبعا هذا اكثر صوت مزعج بالنسة لي واي شي بعده يهووووون…
2-ما احب اسمع احد يتكلم بصوت عالي او يصرخ سواء كانوا كبار او صغار 
بس طبعا الصغار بزيادة يزعجني صوتهم وفي الاطفال كمان يزعجني بكائهم خصوصا لما طفل يجلس يبكي ومحد يقدر يسكته احس اعصابي كلها تتلف من صوت بكاءه…
3-وانزعج كمان من صوت سيارات الشرطة والاسعاف والمطافي احس اني اجلس قلقانة لما اسمعها ما ادري ليش؟
4-صوت التعمير ما احب اسمعه خصوصاً وانا نايمة…
5-صوت البوري حق السيارة ما احب اسمعه خصوصاً لما احد يعلق عليه وما يشيل يده…
6-صوت الذبابة او الناموس لما تجلس تزن عند اذني…
تقريبا هذه اغلب الاصوات الاتزعجني …ان شاءالله يا امونة تعطيني الدرجة الكاملة….:)
6 comments مارس 16, 2008
